తొలి శుభోదయం న్యూస్ ప్రకాశం పోలీస్ :-

ప్రజల ఆర్థిక భద్రతను కాపాడడమే లక్ష్యంగా ప్రకాశం మరియు మార్కాపురం జిల్లా పోలీసులు సమన్వయంతో జిల్లా వ్యాప్తంగా ఏటీఎం (ATM) కేంద్రాల్లో విస్తృత తనిఖీలు నిర్వహించారు. జిల్లా ఎస్పీ గారి ఆదేశాల మేరకు పట్టణ మరియు గ్రామీణ ప్రాంతాల్లోని ఏటీఎంలను సందర్శించిన పోలీస్ బృందాలు, అక్కడ భద్రతా ప్రమాణాలను క్షుణ్ణంగా పరిశీలించాయి.ప్రధానంగా సీసీ కెమెరాల పనితీరు, అలారం వ్యవస్థలు, రాత్రి వేళల్లో వెలుతురు (Lighting) మరియు సెక్యూరిటీ గార్డుల లభ్యతను తనిఖీ చేశారు. ఏటీఎం మిషన్లకు స్కిమ్మింగ్ పరికరాలు అమర్చడం వంటి మోసాలను అరికట్టేందుకు తగిన జాగ్రత్తలు తీసుకోవాలని బ్యాంకు అధికారులకు సూచించారు. నగదు విత్‌డ్రా చేసే సమయంలో ప్రజలు అపరిచితుల సహాయం తీసుకోకూడదని, పిన్ నంబర్ గోప్యంగా ఉంచాలని పోలీసులు విజ్ఞప్తి చేశారు. అసాంఘిక కార్యకలాపాలకు పాల్పడే వారిపై కఠిన చర్యలు తీసుకుంటామని, ప్రజల ఆస్తిపాస్తుల రక్షణకు పోలీసు శాఖ నిరంతరం కట్టుబడి ఉంటుందని ఈ సందర్భంగా స్పష్టం చేశారు.