తొలి శుభోదయం న్యూస్ ప్రకాశం పోలీస్ :-

మార్కాపురం జిల్లా పోలీసు యంత్రాంగంలో పనితీరును మెరుగుపరచడం మరియు బాధితులకు త్వరితగతిన న్యాయం అందించడమే లక్ష్యంగా యర్రగొండపాలెం సీఐ (CI) కే. అజయ్ కుమార్ పుల్లలచెరువు పోలీస్ స్టేషన్‌ను సందర్శించారు. ఈ సందర్భంగా ఆయన స్టేషన్ లోని రికార్డులను, రిజిస్టర్లను క్షుణ్ణంగా పరిశీలించారు. ముఖ్యంగా గత కొంతకాలంగా పెండింగ్‌లో ఉన్న కేసులు (Reported Cases) మరియు దర్యాప్తులో ఉన్న కేసుల (UI Cases) స్థితిగతులను సమీక్షించారు.అనంతరం పోలీస్ సిబ్బందితో నిర్వహించిన సమావేశంలో సీఐ మాట్లాడుతూ.. ప్రతి కేసులోనూ పారదర్శకమైన విచారణ జరగాలని, అనవసర జాప్యం లేకుండా దర్యాప్తును వేగవంతం చేసి UI (Under Investigation) కేసుల సంఖ్యను తగ్గించాలని అధికారులను ఆదేశించారు. బాధితులు స్టేషన్‌కు వచ్చినప్పుడు వారితో మర్యాదగా ప్రవర్తించాలని, వారి సమస్యలను విని తక్షణమే స్పందించాలని సూచించారు. శాంతిభద్రతల పరిరక్షణలో రాజీ పడకూడదని, రికార్డుల నిర్వహణలో క్రమశిక్షణ పాటించాలని సిబ్బందికి స్పష్టమైన మార్గదర్శకాలు జారీ చేశారు. ఈ కార్యక్రమంలో పుల్లలచెరువు ఎస్ఐ మరియు ఇతర పోలీస్ సిబ్బంది పాల్గొన్నారు.