తొలి శుభోదయం ప్రకాశం:-

ప్రకాశం జిల్లా ట్రాఫిక్ పోలీసులు జిల్లా పరిషత్ గ్రౌండ్ ప్రాంతంలో రోడ్డు అడ్డంకులు సృష్టిస్తూ ట్రాఫిక్‌ను భంగపరుస్తున్న వాహనదారులు మరియు వ్యాపారులపై ప్రత్యేక ఎన్‌ఫోర్స్‌మెంట్ డ్రైవ్ నిర్వహించారు.రోడ్డు మార్గాన్ని ఆక్రమించి ట్రాఫిక్‌కు ఆటంకం కలిగించిన వాహనాలపై జరిమానాలు విధించగా, రోడ్డును అడ్డుకునే విధంగా వ్యాపారం చేస్తున్న షాప్ యజమానులకు తగిన సూచనలు అందించారు. ప్రజలు ప్రయాణించే మార్గం ఎల్లప్పుడూ స్వేచ్ఛగా, సురక్షితంగా ఉండేలా చర్యలు తీసుకున్నట్లు పోలీసులు తెలిపారు.ఈ కార్యక్రమాన్ని ట్రాఫిక్ పోలీస్ స్టేషన్‌కు చెందిన RSI శివప్రసాద్ పర్యవేక్షించారు. ప్రజల సహకారంతో ట్రాఫిక్ నియంత్రణ మరింత మెరుగుపడుతుందని పోలీసులు ఆశాభావం వ్యక్తం చేశారు.