తొలి శుభోదయం న్యూస్ ప్రకాశం పోలీస్ :-

ప్రకాశం జిల్లా ఎస్పీ ఆదేశాల మేరకు, జిల్లా పోలీసులు అసాంఘిక కార్యకలాపాలను నిర్మూలించడమే లక్ష్యంగా క్షేత్రస్థాయిలో వినూత్న కార్యక్రమాలు చేపట్టారు. సింగరాయకొండ పోలీస్ స్టేషన్ పరిధిలోని పాత పంచాయతీ కార్యాలయ భవనం వద్ద బహిరంగంగా మద్యం సేవించే ప్రాంతాలను (Open Boozing Places) పోలీసులు స్వయంగా శుభ్రం చేసి, అక్కడ అసాంఘిక శక్తులు చేరకుండా చర్యలు తీసుకున్నారు.అదేవిధంగా, గుడ్లూరు మరియు VV పాలెం పోలీస్ స్టేషన్ల పరిధిలో గతంలో జూదం (Gambling) ఆడే ప్రాంతాలను గుర్తించి, ఆ ప్రదేశాలను శుభ్రం చేయడంతో పాటు అక్కడ నిరంతర నిఘా ఏర్పాటు చేశారు. జూదగాళ్ల ఆటకట్టించేందుకు పటిష్ట చర్యలు చేపట్టారు. మరోవైపు, ఉలవపాడు పోలీస్ స్టేషన్ పరిధిలో అధికారులు స్థానిక ప్రజలతో ముఖాముఖి (Interactions) నిర్వహించారు. గ్రామాల్లో శాంతిభద్రతల పరిరక్షణ, అసాంఘిక కార్యకలాపాల నివారణలో ప్రజల భాగస్వామ్యం కీలకమని, ఏదైనా సమాచారం ఉంటే వెంటనే పోలీసులకు తెలియజేయాలని అవగాహన కల్పించారు. పోలీసుల ఈ నిరంతర నిఘా మరియు సామాజిక బాధ్యత పట్ల స్థానికులు హర్షం వ్యక్తం చేస్తున్నారు.