తొలి శుభోదయం న్యూస్ ప్రకాశం పోలీస్ :-

ప్రకాశం జిల్లాలో అక్రమ జూద కార్యకలాపాలపై పోలీసులు కఠిన చర్యలు చేపడుతున్నారు. జిల్లా పోలీసులకు అందిన విశ్వసనీయ సమాచారం మేరకు, కొండపి పోలీస్ స్టేషన్ సబ్ ఇన్‌స్పెక్టర్ తన సిబ్బందితో కలిసి ప్రత్యేక దాడి నిర్వహించారు. ఈ దాడిలో జూదంలో పాల్గొంటున్న 5 మందిని పట్టుకుని, వారి వద్ద నుండి రూ. 4,420 నగదు స్వాధీనం చేసుకున్నారు.ఇక మరో ఘటనలో, పొన్నలూరు పోలీస్ స్టేషన్ సబ్ ఇన్‌స్పెక్టర్ తన సిబ్బందితో కలిసి చెన్నిపాడు గ్రామ పరిసర ప్రాంతాల్లో ఆకస్మికంగా జూదంపై దాడి చేపట్టారు. ఈ సందర్భంగా జూదం ఆడుతున్న 4 మందిని అదుపులోకి తీసుకుని, వారి వద్ద నుండి రూ. 6,100 నగదు స్వాధీనం చేసుకున్నారు.
ఈ రెండు ఘటనల్లోనూ పోలీసులు కేసులు నమోదు చేసి దర్యాప్తు కొనసాగిస్తున్నారు. జిల్లాలో ఎక్కడైనా అక్రమ జూదం నిర్వహించినా కఠిన చర్యలు తీసుకుంటామని, ఇటువంటి కార్యకలాపాలను సహించబోమని పోలీసులు హెచ్చరించారు. ప్రజలు కూడా ఇలాంటి అక్రమ చర్యలపై సమాచారం అందించాలని పోలీసులు విజ్ఞప్తి చేశారు.