తొలి శుభోదయం ప్రకాశం:-

నేర నియంత్రణలో Visible Policing ఒక ప్రభావవంతమైన మార్గమని ఆచరణలో నిరూపిస్తోంది ప్రకాశం జిల్లా పోలీస్ విభాగం. జిల్లాలో నేరాలను ముందుగానే అరికట్టే లక్ష్యంతో, ప్రకాశం జిల్లా ఎస్పీ సూచనల మేరకు పోలీసులు ప్రతి రోజు రహదారులపై కనిపించే విధంగా పహారా వ్యవస్థను బలోపేతం చేశారు.ప్రతిరోజూ పాదయాత్రలు, మొబైల్ పహారాలు, చెక్‌పాయింట్ల వద్ద నిరంతర తనిఖీలు చేపట్టడం ద్వారా చైన్ స్నాచింగ్స్, గలాటాలు, అనుమానాస్పద చలనలు వంటి ఘటనలను ముందుగానే గుర్తించి తగిన చర్యలు తీసుకుంటున్నారు. ప్రజల్లో భద్రతాభావాన్ని పెంచే దిశగా ట్రాఫిక్ క్రమబద్ధీకరణ, రాత్రి పహారాలు, అధిక రద్దీ ప్రాంతాల్లో ప్రత్యేక పర్యవేక్షణను విస్తృతంగా అమలు చేస్తున్నారు.ప్రజలకు ఎప్పుడూ అందుబాటులో ఉండేలా పోలీస్ సిబ్బంది మైదానంలో విజిబుల్‌గా విధులు నిర్వహించడం ద్వారా నేరాల్ని ఆరంభ దశలోనే అరికడుతున్నట్లు అధికారులు తెలిపారు. శాంతి భద్రతల పరిరక్షణ కోసం ఈ కార్యక్రమం నిరంతరం కొనసాగుతుందని పేర్కొన్నారు.