విద్యార్థులతో కలిసి అల్పాహారం చేసిన డిప్యూటీ డైరెక్టర్ - ఆహార నాణ్యతపై సంతృప్తి.

పదో తరగతి విద్యార్థులకు '100 రోజుల ప్రత్యేక కార్యాచరణ' – 100% ఉత్తీర్ణతే లక్ష్యం.

వెనుకబడిన విద్యార్థుల కోసం 'రెమెడియల్ టీచింగ్' – వార్డెన్‌కు కీలక ఆదేశాలు.

తొలి శుభోదయం న్యూస్ మార్కాపురం:-

జిల్లా కలెక్టర్ శ్రీ.పి.రాజాబాబు ఆదేశాల మేరకు ' వన్ ఆఫీసర్ - వన్ ఇన్స్టిట్యూట్ ' కార్యక్రమంలో భాగంగా మార్కాపురం జిల్లా సాంఘిక సంక్షేమ శాఖ డిప్యూటీ డైరెక్టర్ (DD) ఎన్. లక్ష్మా నాయక్ మంగళవారం ఉదయం పెద్దారికట్లలోని సాంఘిక సంక్షేమ శాఖ బాలుర వసతి గృహాన్ని ఆకస్మికంగా సందర్శించారు. వసతి గృహంలో కల్పిస్తున్న సౌకర్యాలు, విద్యా ప్రమాణాలు మరియు పారిశుధ్యాన్ని ఆయన క్షుణ్ణంగా పరిశీలించారు.

ముఖ్య అంశాలు:

క్షేత్రస్థాయి పరిశీలన: ఉదయం 7:30 గంటలకే వసతి గృహానికి చేరుకున్న డిడి , విద్యార్థులతో కలిసి కూర్చుని ఇడ్లీ, చట్నీ అల్పాహారాన్ని భుజించారు. ఆహార నాణ్యతను స్వయంగా రుచి చూసి సంతృప్తి వ్యక్తం చేశారు. వంటగది, స్టోర్ రూమ్ మరియు తాగునీటి వసతులను తనిఖీ చేసి సిబ్బందికి పలు సూచనలు చేశారు. 100 రోజుల ప్రణాళిక: పదో తరగతి విద్యార్థులు 100 శాతం ఉత్తీర్ణత సాధించడమే లక్ష్యంగా ప్రభుత్వం రూపొందించిన '100 రోజుల ప్రత్యేక ప్రణాళిక'ను పక్కాగా అమలు చేయాలని ఆదేశించారు. రెమెడియల్ టీచింగ్: చదువులో వెనుకబడిన విద్యార్థులను గుర్తించి, వారికి ప్రత్యేక తరగతులు (Remedial Teaching) నిర్వహించి అందరితో సమానంగా ముందుకు తీసుకురావాలని వార్డెన్‌ను ఆదేశించారు.నైపుణ్యాభివృద్ధి: విద్యార్థులు కేవలం చదువుకే పరిమితం కాకుండా క్రీడలు, కళలు మరియు సమస్య పరిష్కార నైపుణ్యాల (Skill Development) పెంపుపై దృష్టి సారించాలని సూచించారు.ఆరోగ్యం - పరిశుభ్రతే ప్రాధాన్యం: వసతి గృహాల్లో ప్రతిరోజూ 'ముస్తాబు' (పరిశుభ్రత) కార్యక్రమం నిర్వహించాలని, విద్యార్థుల సంక్షేమం మరియు మెనూ అమలులో నిర్లక్ష్యం వహిస్తే కఠిన చర్యలు తప్పవని హెచ్చరించారు.ఈ కార్యక్రమంలో పెద్దారికట్ల హాస్టల్ వెల్ఫేర్ ఆఫీసర్ (HWO). శ్రీనివాసరావు మరియు వసతి గృహ సిబ్బంది పాల్గొన్నారు.