తొలి శుభోదయం ప్రకాశం:-

ప్రజలకు మెరుగైన పోలీస్ సేవలు అందించడమే లక్ష్యంగాజిల్లా ఎస్పీ ఆదేశాల మేరకు, మార్కాపురం జిల్లా పోలీసులు యర్రగొండపాలెం సర్కిల్ పరిధిలో పర్యవేక్షణను మరింత బలోపేతం చేస్తోంది. ఈ క్రమంలో యర్రగొండపాలెం సర్కిల్ ఇన్‌స్పెక్టర్ (CI) యర్రగొండపాలెం పోలీస్ స్టేషన్‌ను సందర్శించి, అక్కడి కేసు డైరీలు (CD Files), స్టేషన్ రికార్డులు మరియు విధి నిర్వహణ విధానాలను సవివరంగా పరిశీలించారు. రికార్డుల నిర్వహణలో క్రమశిక్షణ, సమయపాలన పాటించాలని, కేసుల పురోగతిని వేగవంతం చేయాలని సిబ్బందికి తగిన సూచనలు ఇచ్చారు.అదేవిధంగా CI దోర్నాల పోలీస్ స్టేషన్‌ను కూడా సందర్శించి, స్టేషన్‌లోని రికార్డులు, పెండింగ్ నాన్-బెయిలబుల్ వారెంట్లు (NBWs) తదితర అంశాలను సమగ్రంగా తనిఖీ చేశారు. పెండింగ్ కేసులపై చట్టబద్ధంగా తక్షణ చర్యలు తీసుకోవాలని, ప్రజల ఫిర్యాదులకు వేగంగా స్పందించాలని అధికారులకు ఆదేశాలు జారీ చేశారు.పోలీస్ స్టేషన్లలో రికార్డుల సముచిత నిర్వహణ, కేసుల పర్యవేక్షణ ద్వారా శాంతిభద్రతలు మరింత మెరుగుపడతాయని CI పేర్కొన్నారు. ప్రజల విశ్వాసాన్ని పెంచే విధంగా ప్రతి అధికారి, సిబ్బంది నిబద్ధతతో విధులు నిర్వహించాలని సూచించారు.