తొలి శుభోదయం న్యూస్ మార్కాపురం పోలీస్ :-

మార్కాపురం జిల్లా పోలీసుల ఆధ్వర్యంలో అర్ధవీడు పోలీస్ స్టేషన్ పరిధిలోని నాగులవరం గ్రామంలో విస్తృత స్థాయిలో కార్డన్ అండ్ సెర్చ్ ఆపరేషన్ నిర్వహించారు. ఈ ఆపరేషన్‌ను కంభం ఎస్సైతో కలిసి అర్ధవీడు ఎస్సై ఆధ్వర్యంలో పోలీసులు చేపట్టారు. గ్రామంలో శాంతి భద్రతలను బలోపేతం చేయడం, అనుమానాస్పద వ్యక్తులు మరియు అక్రమ కార్యకలాపాలను గుర్తించడం లక్ష్యంగా ఈ ప్రత్యేక తనిఖీలు నిర్వహించబడినట్లు తెలిపారు.ఆపరేషన్ సందర్భంగా గ్రామంలో వాహనాలను సవివరంగా తనిఖీ చేయగా, సరైన పత్రాలు లేని 14 మోటార్ సైకిళ్లను పోలీసులు స్వాధీనం చేసుకున్నారు. వాహనాలకు సంబంధించిన రిజిస్ట్రేషన్ పత్రాలు, డ్రైవింగ్ లైసెన్స్ మరియు ఇతర అవసరమైన ధ్రువపత్రాలు లేకపోవడం చట్టవిరుద్ధమని, ఇలాంటి ఉల్లంఘనలపై కఠిన చర్యలు తీసుకుంటామని పోలీసులు హెచ్చరించారు.గ్రామ ప్రజలకు చట్టాలపై అవగాహన కల్పిస్తూ, వాహనదారులు తప్పనిసరిగా సరైన పత్రాలు కలిగి ఉండాలని, ట్రాఫిక్ నియమాలను పాటించాలని సూచించారు. అలాగే గ్రామంలో ఎలాంటి అనుమానాస్పద వ్యక్తులు లేదా కార్యకలాపాలు గమనించిన వెంటనే పోలీసులకు సమాచారం అందించాలని విజ్ఞప్తి చేశారు.ప్రజల సహకారంతో శాంతి భద్రతలను కాపాడటానికి పోలీసులు కట్టుబడి ఉన్నారని, ఇలాంటి కార్డన్ అండ్ సెర్చ్ ఆపరేషన్లు నిరంతరం కొనసాగుతాయని అధికారులు తెలిపారు.