తొలి శుభోదయం న్యూస్ ప్రకాశం పోలీస్ :-

వై.పాలెం సర్కిల్ ఇన్‌స్పెక్టర్ శ్రీ కె. అజయ్‌కుమార్ గారు సర్కిల్ పరిధిలోని ఎస్సైలతో కలిసి సర్కిల్ క్రైమ్ రివ్యూ సమావేశం నిర్వహించారు.ఈ సమావేశంలో వివిధ యూఐ (UI) కేసులు, లోక్ అదాలత్‌కు సంబంధించిన కేసుల పురోగతిని సమీక్షించారు. పెండింగ్‌లో ఉన్న కేసులను త్వరితగతిన దర్యాప్తు పూర్తి చేసి, చట్టపరమైన ప్రక్రియల మేరకు సత్వర పరిష్కారం చేయాలని సంబంధిత అధికారులకు సూచించారు.అలాగే కేసుల విచారణలో నాణ్యత, సమయపాలన పాటించాలని, బాధితులకు న్యాయం అందేలా చర్యలు తీసుకోవాలని ఆదేశించారు. శాంతిభద్రతల పరిరక్షణతో పాటు నేరాల నియంత్రణలో మరింత సమర్థవంతంగా పనిచేయాలని సిబ్బందికి సూచనలు చేశారు.