తొలి శుభోదయం న్యూస్ ప్రకాశం పోలీస్ :-

ప్రకాశం జిల్లా పోలీసుల ఆధ్వర్యంలో పొన్నలూరు మండలంలో డ్వాక్రా సంఘాల లీడర్స్ కు ప్రత్యేక అవగాహన కార్యక్రమం నిర్వహించారు. ఈ కార్యక్రమంలో మహిళలపై జరుగుతున్న నేరాలు, సైబర్ నేరాల నివారణ, రోడ్డు భద్రతా నిబంధనలు మరియు మాదకద్రవ్యాల నియంత్రణకు సంబంధించిన ఎన్డీపీఎస్ (NDPS) చట్టం గురించి విస్తృతంగా అవగాహన కల్పించారు.పోలీసు అధికారులు మహిళల భద్రతకు సంబంధించిన చట్టాలు, అత్యవసర పరిస్థితుల్లో పోలీసుల సహాయం పొందే మార్గాలు, సైబర్ మోసాల పట్ల అప్రమత్తంగా ఉండాల్సిన అవసరాన్ని వివరించారు. అలాగే ఆన్‌లైన్ మోసాలు, ఫేక్ లింకులు, ఓటీపీ మోసాల గురించి జాగ్రత్తలు తెలియజేశారు.రోడ్డు భద్రతలో భాగంగా హెల్మెట్, సీటు బెల్ట్ వినియోగం, ట్రాఫిక్ నిబంధనల పాటింపు యొక్క ప్రాముఖ్యతను వివరించారు. అదేవిధంగా మాదకద్రవ్యాల వినియోగం వల్ల కలిగే దుష్పరిణామాలు, వాటి అక్రమ రవాణా మరియు వినియోగంపై చట్టపరమైన చర్యల గురించి అవగాహన కల్పించారు.సమాజంలో నేరాల నియంత్రణ, మహిళలు మరియు యువత భద్రత కోసం ప్రజలు పోలీసులతో కలిసి పనిచేయాలని, అనుమానాస్పద కార్యకలాపాలపై వెంటనే సమాచారం అందించాలని అధికారులు సూచించారు.