తొలి శుభోదయం న్యూస్ సింగరాయకొండ :-

పురాణ ప్రసిద్ధి చెందిన పాత సింగరాయకొండ శ్రీ వరాహ లక్ష్మీ నరసింహ స్వామివారి బ్రహ్మోత్సవాలలో మూడవ రోజు రాత్రి హంస వాహన సేవ అత్యంత వైభవంగా, భక్తి శ్రద్ధలతో నిర్వహించబడింది.జ్ఞానం, వివేకం, పవిత్రతకు ప్రతీక అయిన హంస వాహనంపై స్వామివారు దివ్య అలంకారంలో భక్తులకు దర్శనమిచ్చారు. విద్యుద్దీపాల కాంతుల్లో, మంగళ వాయిద్యాల నడుమ, గోవింద నామస్మరణలతో ఆలయ ప్రాంగణం భక్తిజన సందోహంతో కళకళలాడింది.హంస వాహనం మంచి-చెడులను వివేచించే జ్ఞానానికి సంకేతంగా భావించబడుతుంది. ఈ సందర్భంగా స్వామివారి దివ్య దర్శనం కోసం భక్తులు భారీ సంఖ్యలో తరలివచ్చి ప్రత్యేక పూజలు నిర్వహించి మొక్కులు చెల్లించుకున్నారు.
నాలుగవ రోజు కార్యక్రమాలు:
ఉదయం – చప్పర సేవ
రాత్రి – శేషవాహన సేవ
భక్తులు అధిక సంఖ్యలో పాల్గొని స్వామివారి కృపకు పాత్రులు కావాలని దేవస్థాన అధికారులు కోరుతున్నారు.