జూదానికి అడ్డుకట్ట.. రూ.1,310 నగదు, 6 మొబైల్‌ ఫోన్లు స్వాధీనం

తొలి శుభోదయం న్యూస్ ప్రకాశం పోలీస్ :-

పెర్నమిట్ట వడ్డిపాలెం ప్రాంతంలో జూదం జరుగుతున్నట్లు సమాచారం అందడంతో ఒంగోలు తాలూకా ఎస్‌ఐ గారి ఆధ్వర్యంలో పోలీసులు దాడి నిర్వహించారు. ఈ దాడిలో జూదానికి పాల్పడుతున్న ఆరుగురు వ్యక్తులను అదుపులోకి తీసుకున్నారు.వారి వద్ద నుంచి రూ.1,310/- నగదు మరియు 6 మొబైల్‌ ఫోన్లను పోలీసులు స్వాధీనం చేసుకున్నారు. జూదం వంటి అసాంఘిక కార్యకలాపాలకు పాల్పడే వారిపై చట్ట ప్రకారం చర్యలు తీసుకుంటామని పోలీసులు తెలిపారు.గ్రామీణ ప్రాంతాల్లో జూదం, ఇతర చట్టవ్యతిరేక కార్యకలాపాలకు తావులేకుండా ప్రత్యేక నిఘా కొనసాగిస్తూ, అందిన సమాచారంపై తక్షణ చర్యలు చేపడుతున్నట్లు పోలీసులు తెలిపారు.