తొలి శుభోదయం న్యూస్ ప్రకాశం పోలీస్ :-

ప్రకాశం జిల్లా ఎస్పీ గారి ఆదేశాల మేరకు జిల్లాలో గణేష్ విగ్రహాల నిమజ్జన ఊరేగింపులు ప్రశాంతంగా కొనసాగుతున్నాయి.గణేష్ నిమజ్జనం సందర్భంగా ఎలాంటి అవాంఛనీయ సంఘటనలు చోటుచేసుకోకుండా ప్రకాశం జిల్లా పోలీసులు పటిష్టమైన బందోబస్తు, నిరంతర పెట్రోలింగ్ మరియు నిఘా ఏర్పాటు చేశారు. నిమజ్జన మార్గాల్లో ట్రాఫిక్‌కు అంతరాయం కలగకుండా ప్రత్యేక చర్యలు చేపట్టడంతో పాటు, నిమజ్జన ప్రాంతాల్లో పోలీసు సిబ్బంది అప్రమత్తంగా విధులు నిర్వహిస్తున్నారు.వినాయక విగ్రహాల నిర్వాహకులు, భక్తులు పోలీసుల సూచనలు మరియు భద్రతా నిబంధనలు పాటిస్తూ నిమజ్జన కార్యక్రమాన్ని ప్రశాంతంగా నిర్వహిస్తున్నారు. ప్రజల భద్రతకు ప్రాధాన్యతనిస్తూ, నిమజ్జన కార్యక్రమాలు సజావుగా జరిగేలా జిల్లా పోలీసులు నిరంతరం పర్యవేక్షిస్తున్నారు.