గోల్డెన్ కేఫ్ టీ స్టాల్ సమీపంలో ఆగి ఉన్న లారీని ఢీకొన్న కారు.. ఇద్దరు మృతి, ముగ్గురి పరిస్థితి విషమం

తొలి శుభోదయం న్యూస్ సింగరాయకొండ:

సింగరాయకొండ జాతీయ రహదారిపై శనివారం తెల్లవారుజామున ఘోర రోడ్డు ప్రమాదం చోటుచేసుకుంది. గోల్డెన్ కేఫ్ టీ స్టాల్ సమీపంలో జాతీయ రహదారిపై ఆగి ఉన్న లారీని కారు ఢీకొట్టింది.ఈ ప్రమాదంలో కారులో ప్రయాణిస్తున్న ఇద్దరు మృతి చెందినట్లు సమాచారం. మరో ముగ్గురు తీవ్రంగా గాయపడగా, వారి పరిస్థితి విషమంగా ఉన్నట్లు తెలుస్తోంది. ప్రమాద సమాచారం అందుకున్న పోలీసులు ఘటనా స్థలానికి చేరుకుని సహాయక చర్యలు చేపట్టారు.క్షతగాత్రులను చికిత్స నిమిత్తం సమీపంలోని ఆసుపత్రికి తరలించినట్లు సమాచారం. ప్రమాదానికి గల పూర్తి కారణాలు, మృతులు మరియు క్షతగాత్రుల వివరాలు తెలియాల్సి ఉంది. ఘటనపై పోలీసులు దర్యాప్తు చేస్తున్నారు.