తొలి శుభోదయం న్యూస్ దర్శి నియోజకవర్గ :-

దర్శి పట్టణంలోని పొదిలి రోడ్‌లో LIC ఆఫీస్ నుంచి భాష్యం స్కూల్ వరకు 520 మీటర్ల మేర నిర్వహించిన “మన దర్శి – మన బాధ్యత” కెనాల్ క్లీనప్ డ్రైవ్‌కు ప్రజల నుంచి విశేష స్పందన లభించింది.విద్యార్థులు, ఉపాధ్యాయులు, యువత, మహిళలు, స్వచ్ఛంద సంస్థల ప్రతినిధులు, ప్రజలతో కలిసి దర్శి తెలుగుదేశం పార్టీ ఇన్‌చార్జ్ డాక్టర్ గొట్టిపాటి లక్ష్మీ గారు ఈ వినూత్న కార్యక్రమాన్ని ప్రారంభించారు.చీపురు పట్టిన డాక్టర్ లక్ష్మీతో పాటు విద్యార్థులు, యువత, మహిళలు…తమ ఊరిని తామే పరిశుభ్రంగా ఉంచుకోవాలనే బాధ్యతతో పెద్ద ఎత్తున పాల్గొని కాలువ పరిసరాల్లోని చెత్తను తొలగించారు.మన ఆరోగ్యాన్ని రక్షించుకోవడం మన చేతుల్లోనే ఉంది. మంచి సమాజం… ఆరోగ్యకరమైన సమాజంతోనే సాధ్యం అని లక్ష్మీ గారు అన్నారు.ఈ కార్యక్రమంలో పాల్గొన్న ప్రతి ఒక్కరికీ ఆమె ప్రత్యేకంగా కృతజ్ఞతలు తెలిపారు. ఇది కేవలం ప్రారంభం మాత్రమేనని, దర్శి పట్టణాన్ని మరింత పరిశుభ్రంగా తీర్చిదిద్దేందుకు అందరం కలిసికట్టుగా మరిన్ని కార్యక్రమాలు చేపడదామని పిలుపునిచ్చారు.ప్లాస్టిక్ వ్యర్థాలు, తినుబండారాల వ్యర్థాలు, ఆకుకూరలు, కూరగాయలు, పండ్ల వ్యర్థాలను ఎక్కడపడితే అక్కడ వేయకుండా చెత్తకుండీల్లోనే వేయాలని…మన ఇంటి చుట్టూ, మన వీధి చుట్టూ పరిశుభ్రతను కాపాడుకోవడం ప్రతి ఒక్కరి బాధ్యత అని ఆమె సూచించారు.ప్రజల్లో చైతన్యం తీసుకురావడం ద్వారా మాత్రమే ఆరోగ్యకరమైన సమాజాన్ని నిర్మించగలం.అనంతరం GEN Z FOR DARSI కార్యక్రమంలో పాల్గొన్న విద్యార్థినీ విద్యార్థులకు డాక్టర్ గొట్టిపాటి లక్ష్మీ గారు సర్టిఫికెట్లను అందజేశారు.ఈ కార్యక్రమంలో టిడిపి యువ నాయకులు డాక్టర్ కడియాల లలిత్ సాగర్, దర్శి మున్సిపల్ చైర్మన్ నారాపుశెట్టి పిచ్చయ్య, దర్శి ఏఎంసీ చైర్మన్ దారం నాగవేణి–సుబ్బారావు, దర్శి మున్సిపల్ కమిషనర్ కె. అర్జున్ రావు, పట్టణ మరియు మండల టిడిపి అధ్యక్షులు పుల్లలచెరువు సత్యనారాయణ, మారెళ్ల వెంకటేశ్వర్లు, స్థానిక నాయకులు, ప్రజలు, వివిధ కళాశాలల విద్యార్థినీ విద్యార్థులు, స్వచ్ఛంద సంస్థల ప్రతినిధులు, మహిళలు వందలాదిగా పాల్గొన్నారు.