తొలి శుభోదయం న్యూస్ టంగుటూరు:-

టంగుటూరు గ్రామంలోని పాకల రోడ్డులో ఉన్న న్యూ లైఫ్ ఆరాధన మందిరంలో న్యూ లైఫ్ చిన్న పిల్లల పరిచర్య పరిచారకుల ఆధ్వర్యంలో రెండు రోజుల న్యూ లైఫ్ చిల్డ్రన్ క్యాంప్ ఘనంగా ప్రారంభమైంది. ఈ శిబిరంలో సుమారు 200 మంది చిన్నారులు పాల్గొనడం విశేషంగా నిలిచింది.
క్యాంప్ మొదటి రోజు చిన్నారులకు ఆధ్యాత్మిక, నైతిక విలువలను పెంపొందించే కార్యక్రమాలు నిర్వహించారు. సాంగ్స్, బైబిల్ స్టోరీలు, వినోదాత్మక గేమ్స్ ద్వారా పిల్లలకు ఆనందంతో కూడిన విద్యను అందించారు. అలాగే పౌష్టికాహార విలువలపై అవగాహన కల్పిస్తూ ప్రత్యేకంగా పోషకాహార భోజనాన్ని ఏర్పాటు చేసి అందించారు.
చిన్నారుల ప్రతిభను గుర్తించి వారిని మరింత ప్రోత్సహించేందుకు బహుమతులు అందజేశారు. ఈ సందర్భంగా చిన్న పిల్లల్లో ఆధ్యాత్మికత, నైతిక విలువలు పెంపొందించే విధంగా అరుణ జ్యోతి గుంటూరు, లీన అన్విత, మెర్సీ ఎస్తేర్ సందేశాలు అందించి వారికి మార్గనిర్దేశం చేశారు.
శిబిరంలో పాల్గొన్న చిన్నారులు ఉత్సాహంగా వివిధ కార్యక్రమాల్లో పాల్గొని ఆనందం వ్యక్తం చేశారు. పిల్లల సమగ్ర అభివృద్ధి, వ్యక్తిత్వ వికాసం, నైతిక విలువల పెంపొందన లక్ష్యంగా నిర్వహించిన ఈ క్యాంప్ విజయవంతంగా కొనసాగుతోందని నిర్వాహకులు తెలిపారు. రెండు రోజుల పాటు కొనసాగే ఈ కార్యక్రమంలో మరిన్ని ఆధ్యాత్మిక, విద్యా, వినోదాత్మక అంశాలు నిర్వహించనున్నట్లు వెల్లడించారు.