తొలి శుభోదయం న్యూస్ ప్రకాశం పోలీస్ :-
మహిళలు మరియు బాలికల భద్రతను మరింత బలోపేతం చేయడమే లక్ష్యంగా ప్రకాశం జిల్లా పోలీస్ శాఖ మరియు మార్కాపురం జిల్లా పోలీస్ శాఖ సంయుక్తంగా “శక్తి యాప్”పై విస్తృత స్థాయిలో అవగాహన కార్యక్రమం నిర్వహించాయి. ఈ కార్యక్రమం ద్వారా మహిళలు అత్యవసర పరిస్థితుల్లో వెంటనే పోలీస్ సహాయం పొందే విధంగా సాంకేతిక పరిజ్ఞానాన్ని అందుబాటులోకి తీసుకురావడమే ప్రధాన ఉద్దేశంగా అధికారులు తెలిపారు.పోలీస్ అధికారులు మహిళలు, యువతులు మరియు విద్యార్థినులకు శక్తి యాప్ ప్రాముఖ్యతను సవివరంగా వివరించారు. ఈ యాప్ ద్వారా ఒక్క క్లిక్తో SOS అలర్ట్ పంపడం, తమ ప్రస్తుత లొకేషన్ను పోలీసులతో పంచుకోవడం, అత్యవసర సమయంలో తక్షణ స్పందన పొందడం వంటి ముఖ్యమైన ఫీచర్లను ప్రదర్శిస్తూ అవగాహన కల్పించారు. కార్యక్రమం సందర్భంగా పలువురు మహిళల మొబైల్ ఫోన్లలో శక్తి యాప్ను ప్రత్యక్షంగా డౌన్లోడ్ చేసి నమోదు చేసుకునేలా సహాయం చేశారు.ఈ సందర్భంగా అధికారులు మాట్లాడుతూ, మహిళలు ఎటువంటి ప్రమాదకర పరిస్థితులు ఎదురైనా భయపడకుండా ధైర్యంగా శక్తి యాప్ను వినియోగించాలని సూచించారు. ఈ యాప్ ద్వారా మహిళల భద్రత మరింత బలపడటంతో పాటు, నేరాల నివారణలో ఇది కీలక పాత్ర పోషిస్తుందని పేర్కొన్నారు.ఇంకా, కుటుంబ సభ్యులు, స్నేహితులు మరియు పరిచయస్తులకు కూడా శక్తి యాప్ గురించి తెలియజేసి, సమాజంలో భద్రతా చైతన్యం పెంచాలని ప్రజలను కోరారు. మహిళల రక్షణ, భద్రత విషయంలో పోలీస్ శాఖ ఎల్లప్పుడూ అండగా ఉంటుందని భరోసా ఇచ్చారు. భవిష్యత్తులో కూడా ఇలాంటి అవగాహన కార్యక్రమాలను మరింత విస్తృతంగా నిర్వహిస్తామని తెలిపారు.
