తొలి శుభోదయం న్యూస్ ప్రకాశం పోలీస్:-
ప్రకాశం జిల్లా ఎస్పీ శ్రీ వి. హర్షవర్ధన్ రాజు.,ఐపీయస్ గారి ఆదేశాల మేరకు, ఒంగోలు టాస్క్ ఫోర్స్ ఇన్‌ఛార్జ్ సి.ఐ. కమలాకర్ గారి ఆధ్వర్యంలో టాస్క్ ఫోర్స్ మరియు సీసీఎస్ (CCS) పోలీసులు సంయుక్తంగా జిల్లాలో తనిఖీలు నిర్వహిస్తున్నారు. ఇందులో చీమకుర్తి మరియు మర్రిపూడి పోలీస్ స్టేషన్ల పరిధిలో అనధికారికంగా నిర్వహిస్తున్న 4 బెల్ట్ షాపులపై ఆకస్మిక దాడులు నిర్వహించి, వారి వద్ద నుండి అక్రమ మద్యం బాటిళ్లను స్వాధీనం చేసుకున్నారు.
దాడుల వివరాలు & స్వాధీనం చేసుకున్న మద్యం:
1. చీమకుర్తి మండలం, గ్రామం: పాటిమీదపాలెం
వివరాలు: ఈ గ్రామంలోని బెల్ట్ షాపుపై పోలీసులు దాడి చేసి, ఎలాంటి లైసెన్స్ లేకుండా అక్రమంగా నిల్వ ఉంచిన 13 క్వార్టర్ మద్యం బాటిళ్లను స్వాధీనం చేసుకున్నారు.
2. మర్రిపూడి మండలం,గ్రామం: కాకర్ల
వివరాలు: కాకర్ల గ్రామంలోని ఒక వ్యక్తి వద్ద అనధికారికంగా విక్రయించడానికి ఉంచిన 12 క్వార్టర్ మద్యం బాటిళ్లను స్వాధీనం చేసుకున్నారు.
గ్రామం: శివపురం (రెండు బెల్ట్ షాపులు)
శివపురం గ్రామంలో వేర్వేరుగా నిర్వహిస్తున్న రెండు బెల్ట్ షాపులపై దాడులు నిర్వహించగా:
మొదటి వ్యక్తి వద్ద 12 క్వార్టర్ బాటిళ్లు, రెండవ వ్యక్తి వద్ద 13 క్వార్టర్ బాటిళ్లు స్వాధీనం చేసుకున్నారు.
చర్యలు: మర్రిపూడి మండల పరిధిలోని కాకర్ల మరియు శివపురం గ్రామాలలో పట్టుబడిన మొత్తం అక్రమ మద్యాన్ని, నిందితులను తదుపరి చట్టపరమైన చర్యల నిమిత్తం మర్రిపూడి పోలీస్ స్టేషన్‌లో అప్పగించి కేసులు నమోదు చేయడం జరిగింది.