కందుకూరు మండలంలో 50 ఎంపీటీసీ నామినేషన్లు

37 ఆమోదం.. 5 తిరస్కరణ.. 8 డబుల్ నామినేషన్లు

తొలి శుభోదయం న్యూస్ కందుకూరు:-

ప్రకాశం జిల్లా కందుకూరు మండలంలో ఎంపీటీసీ ఎన్నికలకు సంబంధించి మొత్తం 50 నామినేషన్ దరఖాస్తులు అందినట్లు రిటర్నింగ్ అధికారి విడుదల చేసిన వివరాల్లో వెల్లడైంది. వీటిలో 37 నామినేషన్లు ఆమోదం పొందగా, 5 తిరస్కరణకు గురయ్యాయి. మరో 8 డబుల్ నామినేషన్లుగా నమోదయ్యాయి.మండలంలోని 11 ఎంపీటీసీ స్థానాలకు సంబంధించి విడుదల చేసిన నామినేషన్ల వివరాల ప్రకారం.. మోపాడు నుంచి అత్యధికంగా 10 దరఖాస్తులు అందాయి. మహదేవపురం, పాలూరు-దొండపాడు నుంచి ఆరు చొప్పున, పాలుకూరు-1, ఒగూరు నుంచి ఐదు చొప్పున దరఖాస్తులు వచ్చాయి.మాచవరం-1లో నాలుగు దరఖాస్తులు రాగా, ఒకటి తిరస్కరణకు గురైంది. మాచవరం-2లో మూడు దరఖాస్తులకు ఒకటి ఆమోదం పొంది, రెండు తిరస్కరణకు గురయ్యాయి. పాలూరు-దొండపాడులో మూడు నామినేషన్లు ఆమోదం పొందగా, రెండు తిరస్కరణకు గురయ్యాయి. మిగిలిన స్థానాల్లో నామినేషన్ల వివరాలు అధికారిక ప్రకటనలో పేర్కొన్నారు.అక్టోబర్ 24, 2026న విడుదల చేసిన ఈ వివరాల్లో కందుకూరు మండల ప్రజా పరిషత్ పరిధిలోని ఎంపీటీసీ స్థానాల వారీగా నామినేషన్ల స్వీకరణ, ఆమోదం, తిరస్కరణ వివరాలను వెల్లడించారు.